CHAMA LA WANA MDOGO MDOGO LINAJIJENGA USAJILI ASILIMIA KUBWA OYAA OYAA TUNAISUBIRI KAGAME

SIMBA SC imekamilisha usajili wa kikosi cha msimu ujao kwa asilimia 80 na ndani yake itakuwa na wachezaji wanne wa kigeni, akiwemo mshambuliaji Moses Oloya kutoka Uganda. Mwenyekiti wa Kamati ya Usajili ya Simba SC, Zacharia Hans Poppe ameiambia MPIRA MAENDELEO leo kwamba wamekamilisha mazungumzo na kufikia makubaliano na Oloya, na sasa kuna kitu kimoja wanasubiri kabla ya kusaini naye mkataba. “Timu ya taifa ya Uganda inakwenda Libya kucheza mechi za kufuzu za Kombe la Dunia. Akimaliza anakwenda kwenye klabu yake kuchukua barua ya kututhibitishia hana mkataba, ndipo tutampa chake naye asaini,”alisema HANS POP ambaye ndiye aliyepewa jukumu la kuhakikisha CHAMA LA WANA linatisha msimu ujao kuanzia kwenye michuano ya KAGAME.

Kiungo huyo mshambuliaji wa The Cranes, yaani ndege aina ya Korongo aliyezaliwa miaka 20 iliyopita anamaliza mkataba wake na Saigon Xuan Thanh ya Vietnam Agosti mwaka huu, lakini ameamua kuuvunja kutokana na klabu hiyo kukiuka mambo ya msingi katika mkataba huo. Anadai klabu hiyo haijamlipa mshahara kwa zaidi ya miezi mitatu, hivyo pekee hiyo inahalalisha uvunjwaji wa mkataba baina yao naye kutua Msimbazi kama mchezaji huru. Simba ikimpata mchezaji huyo aliyekwenda Vietnam akitokea KCC ya kwao, aliyoichezea tangu 2009 hadi 2010, itakuwa imelamba dume. Oloya ni mchezaji mzuri kuliko Emmanuel Okwi ambaye Simba SC imemuuza Etoile du Sahel ya Tunisia na Desemba mwaka jana, Yanga SC na Azam zote zilijaribu kutaka kumsajili bila mafanikio. Mwishowe Azam ikaona bora kumsajili Brian Umony, wakati Yanga ilibanwa na nafasi ya idadi ya wachezaji wa kigeni, lakini ikamuweka kwenye orodha ya wachezaji inayoweza kuwasajili kwa ajili ya msimu ujao. Mbali na Oyola, wachezaji wengine wa kigeni wa ndani ya Simba watakuwa Waganda watupu, kipa Abbel Dhaira, beki Samuel Ssenkoom na kiungo Mussa Mudde, maana yake klabu hiyo ina nafasi moja ya mchezaji wa kigeni kwa mujibu wa kanuni. Katika mazoezi ya Simba yanayoendelea kwenye Uwanja wa Kinesi, Urafiki, Dar es Salaam, chini ya kocha mpya Abdallah Athuman Seif ‘King Kibaden’ wamejitokeza wachezaji zaidi ya 20 kufanya majaribio, wakiwemo kutoka Nigeria, DRC, Senegal, Ivory Coast na Msumbiji mbali ya wazawa. Adeyoum Saleh Ahmed, beki wa kushoto timu ya taifa ya Zanzibar na klabu ya Miembeni ya Zanzibar ni kati ya wachezaji ambao wamekuwa kivutio katika mazoezi hayo.

  Tayari Simba SC imewasajili moja kwa moja wachezaji wanne wazawa, kipa Andrew Ntalla kutoka Kagera Sugar, beki Issa Rashid ‘Baba Ubaya’ kutoka Mtibwa Sugar, kiungo Twaha Shekuwe ‘Messi’ kutoka Coastal Union na mshambuliaji Zahor Pazi kutoka Azam FC, aliyekuwa anacheza kwa mkopo JKT Ruvu.

LIVERPOOL YABOMOKA JAMANI

MSHAMBULIAJI Luis Suarez amezua hofu juu ya mustakabli wake katika klabu ya Liverpool baada ya kusema itamuwia vigumu kukataa ofa ya Real Madrid.

Suarez, anayetumikia kifungo cha adhabu ya mechi 10 kwa kumng'ata beki wa Chelsea, Branislav Ivanovic, amesema katika mahojiano na kituo cha Redio cha Uruguay analazimika kuondoka kutokana na jinsi anavyoshambuliwa na vyombo vya habari England.

Mchezaji huyo mwenye umri wa miaka 26 alisema: "Liverpool wanataka nibaki, lakini ngumu kuwakatalia Real Madrid.

Mtikisiko: Suarez amesema itakuwa ngumu kuikatalia Real Madrid

"Nina familia ambayo pia inaathiriwa na hali hii na imevuka kiwango.

"Sijiandai kupambana na Waandishi wa Habari wa England. Nimepambana sana tangu nikiwa mdogo kufika hapa nilipo, kuwaacha waandishi fulani wanitendee ubaya. 

"Hawanihukumu kama mimi ni mchezaji, bali mtazamo wangu. Wananizungumzia kana kwamba wanafahamu maisha yangu yote vizuri. Nina mke na mtoto wa kike na siko tayari kuendelea kupambana na vyombo vya habari vya England,"alisema.

Liverpool imesistiza Suarez hauzwi na kwamba kwa kuwa alisani mkataba mpya wa miaka minne msimu uliopita, wanatarajia atabaki. 

Suarez kwa sasa yupo na timu yake ya taifa, Uruguay

Kocha Brendan Rodgers hana presha ya kumuuza mchezaji huyo, lakini Madrid wanaandaa Pauni Milioni 25 na wachezaji wawili, washambuliaji chipukizi Alvaro Morata na Jese Rodriguez.

Liverpool pia inakabiliwa na mtihani wa kumzuia kipa Pepe Reina anayetakiwa Barcelona ambaye amesema wazi itakuwa vigumu kukataa ofa ya vigogo wa Catalan.

"Ni vigumu kuwakatalia Barca, pamoja na kwamba sina uhakika kama wananihitaji kwa dhati,' alisema mlinda mlango huyo mwenye umri wa miaka 30.

Aspas amefanya vizuri katika msimu wake huu wa kwanza La Liga

Lakini Liverpool imeimarisha safu yake ya ushambuliaji kwa kukubali kumsajili kwa Pauni Milioni 6, mshambuliaji wa Celta Vigo, Iago Aspas, mwenye umri wa miaka 25, ambaye anaweza kucheza katikati au pembeni.

Huku Celta Vigo ikikabiliwa na hatari ya kushuka Daraja dau hilo ni punguzo kutoka Pauni Milioni 8 na Aspas atafanyiwa vipimo vya afya wiki ijayo.

BALOZI WA TANZANIA ETHIOPIA AWAPA CHANGAMOTO STARS ADDIS

Na Boniface Wambura, Addis Ababa BALOZI wa Tanzania nchini Ethiopia, Joram Biswaro amewataka wachezaji wa Taifa Stars kuhakikisha wanaipeleka timu hiyo kwenye fainali za Kombe la Dunia zitakazofanyika mwakani nchini Brazil. Ametoa changamoto hiyo wakati alipotembelea mazoezi ya timu hiyo jana (Mei 29 mwaka huu). Taifa Stars inayodhaminiwa na Kilimanjaro Premium Lager imepiga kambi nchini Ethiopia na inafanya mazoezi kwenye Uwanja wa Addis Ababa. “Watanzania tunafurahi kutokana na uwezo mnaouonyesha, hasa baada ya kuifunga Morocco mabao 3-1. Kama mliwafunga nyumbani hata kwao mnaweza kuwafunga. Tunataka kuwaona Maracana (Brazil) mwakani, mimi tayari ninayo tiketi mtanikuta kule,” amesema Balozi Biswaro ambaye enzi zake aliwahi kuichezea timu ya Yanga. Taifa Stars ambayo iko Addis Ababa tangu Jumatatu (Mei 27 mwaka huu) imeweka kambi katika hoteli ya Hilton ambapo Jumapili (Juni 2 mwaka huu) itacheza mechi ya kirafiki na Sudan (Nile Crocodile) kwenye Uwanja wa Addis Ababa. Balozi Biswaro ameikaribisha Taifa Stars ubalozini Addis Ababa mara baada ya mechi dhidi ya Sudan ambapo itakutana na baadhi ya Watanzania wanaoishi Ethiopia kabla ya kuondoka alfajiri kwenda Marrakech, Morocco kwa kupitia Cairo, Misri. Kocha Kim Poulsen amesema kikosi chake kinaendelea na mazoezi vizuri na kitaimarika zaidi baada ya wachezaji Mbwana Samata na Thomas Ulimwengu wanaochezea timu ya TP Mazembe ya Jamhuri ya Kidemokrasi ya Congo (DRC) kujiunga nacho Juni 3 mwaka huu jijini Marrakech kwa ajili ya mechi dhidi ya Morocco itakayochezwa Juni 8 mwaka huu. Wachezaji walioko katika kikosi cha Stars jijini Addis Ababa ni Juma Kaseja, Aggrey Morris, Mwadini Ally, Ally Mustafa, Shomari Kapombe, Kevin Yondani, Erasto Nyoni, Haroub Nadir, Mwinyi Kazimoto, Frank Domayo, Mrisho Ngasa, Khamis Mchana, Amri Kiemba, Salum Abubakar, Simon Msuva, John Bocco, Vicent Barnabas, Mudathiri Yahya, Athuman Idd, Haroun Chanongo na Zahoro Pazi.

UNYAMA UNAYAMANI KAMA KAWA CHAMA LA WANA LIMEANZA KUPIGA TIZI KINES TAYARI KURUDISHA HESHIMA MJINI

 Kiungo mkabaji kutoka Nigeria, Izdore Modebe Ugochukwu aliyeruka hewani kupiga kichwa katika mazoezi ya Simba SC yaliyoanza rasmi leo kujiandaa na Klabu Bingwa Afrika Mashariki na Kati, Kombe la Kagame nchini Sudan mwezi ujao. Kiungo huyo ametokea klabu ya Udense FC ya Benin kuja kufanya majaribio Simba SC na kabla ya hapo amesema alichezea timu ya Ila ya kwao, Nigeria.

Kocha mpya wa Simba SC, Alah Abdallah Athumani Seif 'King Kibaden' akitoa maelekezo kwa wachezaji

King Kibaden kazini

Kocha Msaidizi, Jamhuri Kihwelo 'Julio' akimhoji Mnigeria Izdore kabla ya kuanza mazoezi

Cheki vipaji Simba SC...

Issa Rashid 'Baba Ubaya' kushoto akimgeuza mtu...

Izdore akikaba ng'ado kwa ng'ado...

Jamhuri akizungumza na Nassor Masoud 'Chollo(KWA HISANI YA BIN ZUBEIRY)

WATAELEWA TU NINI SIMBA INAMAANISHA Moses Oloya KAMA KUNA MASWALI MAJIBU ANAYO HANS POP

SIMBA imeonyesha kweli imepania kufanya mabadiliko makubwa katika kikosi chake baada ya kumnasa kiungo mshambuliaji nyota kutoka Uganda, Moses Oloya.

Simba imelazimika kujipinda na ‘kuvunja benki’ kwa kutoa zaidi ya Sh milioni 40 ili kumsajili Oloya ikiwa ni pamoja na kufikia makubaliano na wakala wake aliyejulikana kama DM Management.

Oloya ambaye amekuwa akiwagawa mashabiki wa soka Uganda, kwamba yeye na Okwi nani ni zaidi, amekubali kumwaga wino na kuichezea Simba msimu ujao.

Kila kitu kati ya Oloya na Simba kimemalizika na mchezaji huyo amekubali kuondoka Xuan Than Saigon inayoshiriki Ligi Kuu ya Vietnam na kujiunga na Simba.

 

Oloya (kushoto) akiwa Vietnam...

Simba imekuwa ikifanya siri kubwa kuhusiana na usajili wa mchezaji huyo wakiwahofia watani wao Yanga wanaweza kuvuruga mambo na kumsajili.

“Yanga ndiyo imekuwa hofu kubwa, maana wakisikia Simba wanamhitaji mchezaji na wenyewe wanamuona anafaa. Hilo ndiyo limekuwa tatizo kwetu.

“Lakini Oloya amekubali kusaini, mkataba wake utatumwa huko kwa kuwa Uganda The Cranes itakuwa huko kucheza mechi ya kirafiki Jumamosi hii.

“Kila kitu kitamalizikia Libya, labda kama kuna mabadiliko lakini kila kitu kimefikiwa makubaliano,” kilieleza chanzo cha uhakika.

Oloya ambaye ana miaka 20 tu, alijiunga na Xuan Than Saigon, Januari Mosi, 2011 na amefanikiwa kufunga katika mechi kadhaa za kirafiki ingawa anaonekana kuwa mzuri katika kupiga mabao.

Urefu wake ni futi 1.80, ana kasi inayolingana na ile ya Okwi, anapiga mashuti miguu yote, si mzuri sana wa mipira ya vichwa, ana uwezo wa kupiga mipira iliyokufa.

Ndiye anaaminika kuwa staa mpya wa Uganda ambayo tayari kaichezea mechi 14, mashabiki wengi wamekuwa wakiamini ni mkali kuliko Okwi.

Tayari Oloya amejiunga na kikosi cha Uganda nchini Libya, tayari kwa ajili ya mechi hiyo ya kirafiki dhidi ya wenyeji.

Kabla ya Oloya, wiki Simba imemsajili beki wa kati ya URA, Samuel Ssenkoom kuimarisha difensi yao iliyosuasua msimu uliopita.

REAL MADRID YAMPA ZIDANE KAZI YA KUHAKIKISHA BALE ANATUA SANTIAGO

MMOJA wa wachezaji nyota historia ya Real Madrid, Zinedine Zidane amepewa jukumua la kuhakikisha nyota wa Tottenham, Gareth Bale anatua Bernabeu kwa dau la Pauni Milioni 65.

Gazeti la Hispania, Marca limeripoti kwamba Galactico huyo wa zamani, Zidane  ni mshauri mkuu katika mpango wa usajili huo na anajaribu kumshawishi Rais wa Real Madrid, Florentino Perez kwamba saini ya Bale ni kitu pekee muhimu.

Kipaumbele namba 1: Gwiji wa Real na Ufaransa, Zinedine Zidane (kushoto) na mchezaji anayewaniwa na klabu nyingi Ulaya, Gareth Bale (kulia)

Mpiga debe: Zinedine Zidane amesema Gareth Bale ni zaidi ya bora kiasi cha kutosha kucheza Real Madrid

"Kitu ambacho kimenivutia kwa ujumla ni kwamba ana muendelezo wa ubora. siyo wa mechi moja au mbili.Zidane ambaye anamzimikia kwa muda mrefu nyota huyo wa Wales, amesema: "Nimekuwa nikiitazama Tottenham kwa sababu Gareth Bale amekuwa akicheza huko. Mbali na Ronaldo na Messi, ndiye mchezaji ambaye amekuwa akinivutia zaidi duniani. Ni wa uhakika,".

"Anaendeleza kufunga mabao mazuri na muhimu. Ni mwepsi sana, mwenye kipaji na anayevutia.

"Ndiyo, wachezaji wenye kipaji kama yeye wanaweza kuja Real Madrid. Ni mzuri kiasi cha kutoha kwa Real Madrid? Ndiyo. Ni zaidi ya mzuri kiasi cha kutosha kucheza  Real Madrid.’

Zidane alikuwa mchezaji mtu muhimu katika biashara ya usajili Madrid tangu astaafu mwaka 2006. Alichangia mno kutua kwa Raphael Varane Bernabeu na ana matumaini ya kumleta Bale katika njia ile ile.

Kivutio: Bale akiichezea Spurs. Amemvutia Zidane msimu huu

Baada ya Lionel Messi na Cristiano Ronaldo, Bale ndiye mchezaji anayemvutia zaidi Zidane

CHRIS SMALLING ANAPONYA KIDONDA CHA UPASUAJI KWA MSAADA WA MPENZI WAKE SAM COOKE

Hard work, this rehab lark: Smalling's making sure he keeps his feet up after a long season.

Mlinzi wa kati wa Manchester United Chris Smalling amekuwa akiendelea kuponya kidonda chake cha baaba ya upasuaji wa mguu wa mguu wake wa kulia akiwa katika pwani ya Barbados fakipunga upepo wa pwani wenye joto akiwa na mpenzzi wake Sam Cooke.

Akiwa ameongozana na mpenzi wake huyo katika mapumziko ya kumaliza wiki amekuwa akijitahidi kufanya mazoezi madogo madogo kulinda uzito wake na kuimarisha mguu huo.

Mlinzi huyo anatarajiwa kuwa sawa katika kipindi cha matayarisho ya kuanza msimu mpya.

Meneja mpya wa Manchester United David Moyes atakuwa na kazi ya kujenga timu mpya itakayokuwa na vipaji vichanga kama ilivyo kwa wachezaji kama Smalling, Phil Jones na Tom Cleverley. 

Helping hand: Chris Smalling's girlfriend Sam Cooke helps him keep his weight off of his injury

Smalling mwenye umri wa miaka 23, pia atakosekana katika kikosi cha timu ya taifa ya England kitakachokuwa na mchezo wa kimataifa wa kirafiki dhidi ya Jamhuri ya Ireland lakini pia katika safari ya kuelekea nchini Brazil kufuatia kuaendelea kuuguza mguu wake.

Bosi wa England Roy Hodgoson amekaririwa kisema 

‘Sasa ndio fursa kwakuwa Smalling na Jones kama ilivyo kwa wastaafu Rio Ferdinand na John Terry waliostaafu soka la kimataifa.

'Wamepata nafasi, jambo ambalo ni muhimu. Rio na John wamefanya kazi nzuri sana kwa kipindi chote. Sasa wameondoka ni jukumu kwa vijana hawa kutazama mbele.

Chris Smalling akimtazama kwa nyuma mpenzi wake Sam Cooke akitembea kutafuta viburudisho katika pwani ya  Barbados Jumapili ya jana.

Smalling na mpenzi wake Sam wakiwa majini.

The high life: Martin Skrtel and wife Barbora take it easy on Miami beach

Going for a stroll: Mind that foot though, Martin

John Mikel Obi sasa kuichezea Nigeria michuano ya mabara, Torres aitwa timu ya taifa ya Hispania, Lazio yatwaa taji la Copa Italia na Cristal Palace yapanda daraja.

Kiungo wa Chelsea John Mikel Obi amethibitisha kujiunga na kikosi cha timu ya taifa ya Nigeria kuelekea katika michezo ya kufuzu kombe la dunia na kichuano ya kombe  la shirikisho nchini Brazil.

Mikel alikuwa katika mashaka makubwa kufuatia kuwa katika majukumu na klabu yake lakini pia kutokana na tatizo la visa.

Shirikisho la soka la nchini Nigeria (NFF) limetanabaisha kuwa kiungo huyo mwenye umri wa miaka 26 hatakuwepo katika mchezo wa kimataifa wa kirafikia dhidi ya Mexico May 31.

Hata hivyo shirikisho hilo limethibitisha kuwa atapatikana katika michezo miwili dhidi ya Kenya na Namibia, pamoja na michezo ya michuano  ya shirikisho yaani Confederations Cup.

Kueleka katika michezo yao ya hivi karibu mwezi wa juni mabingwa hao wa soka barani Afrika watakuwa wakiwakosa wachezaji wao wakali wakiwemo majeruhi Victor Moses, Kalu Uche na Gabriel Rueben.

Watamkosa pia mfungaji bora wa fainali za mataifa ya Afrika Emmanuel Emenike, ambaye anasumbuliwa na mguu.

Super Eagles wako sawa kwa alama na Malawi katika kundia F la kuwania kufuzu kombe la dunia wakiwa wote wana alama tano wakati ambapo kiongozi wa kundi akitarajiwa kusonga mbele katika changamoto nyingine ya kusaka nafasi ya kufuzu.

Baada ya kufunga bao europa league Fernando Torres aitwa kikosini Hispania kucheza kombe la mabara

Mshambuliaji aliyekuwa hapewi nafasi ya kuwemo katika kikosi cha timu ya taifa kutoka na kiwango chake kutoridhisha Fernando Torres ametajwa na Hispania kujiunga katika kikosi cha timu ya taifa kwa ajili ya maandalizi ya michuano ya kombe la shirikisho la mabara.

Mshambuliaji huyo mwenye umri wa miaka , 29, ambaye akiwa na klabu yake alifanikiwa kutwa taji la Europa League msimu huu hivi karibuni alishindwa kumshawishi kocha Vicente del Bosque katika kikosi chake.

Wengine wanane wanaocheza cheza soka nchini England wameitwa ambapo baadaye kikosi hicho kitapunguzwa kutoka jumla ya wachezaji 26 na kusaliwa na wachezaji 23 kabla ya kuaanza kwa michuano hiyo nchini Brazil june 15.

Mlinzi wa Barcelona Carles Puyol na mshambuliaji wa  Sevilla Alvaro Negredo wameachwa na kocha huyo.

Mlinda mlango wa Real Madrid na nahodha wa Hispania aliyevunjika kidole mwezi Januari Iker Casillas wamerudishwa huku kiungo Javi Martinez aliye katika kiwango safi akiwa na Bayern Munich ambao wametwaa taji la Champions League wote wameitwa.

Torres alikuwa na msimu mzuri akiwa na Chelsea akifunga jumla ya magoli 22 baada ya kucheza michezo 64 ikiwa ni pamoja na kufunga goli la kwanza katika mchezo wa ushindi wa mabao 2-1 wa fainali ya Europa dhidi ya Benfica.

Goalkeepers: Iker Casillas (Real Madrid), Jose Reina (Liverpool), Victor Valdes (Barcelona).

Defenders: Jordi Alba (Barcelona), Raul Albiol (Real Madrid), Alvaro Arbeloa (Real Madrid), Cesar Azpilicueta (Chelsea), Nacho Monreal (Arsenal), Gerard Pique (Barcelona), Sergio Ramos (Real Madrid).

Midfielders: Xabi Alonso (Real Madrid), Benat Etxebarria (Real Betis), Sergio Busquets (Barcelona), Santi Cazorla (Arsenal), Cesc Fabregas (Barcelona), Javi Garcia (Manchester City), Andres Iniesta (Barcelona), Javi Martinez (Bayern Munich), Juan Mata (Chelsea), Jesus Navas (Sevilla), Pedro (Barcelona), David Silva (Manchester City) Xavi (Barcelona).

Forwards: Fernando Torres (Chelsea), Roberto Soldado (Valencia), David Villa (Barcelona).

Lazio yatwaa Coppa Italia baada ya kuwafunga Roma katika fainali

Lazio imeshinda taji la Coppa Italia kwa mara ya sita baada ya ushindi wa bao 1-0 dhidi ya wapinzani wao wakubwa Roma mchezo uliopigwa Stadio Olimpico.

Senad Lulic alifunga bao pekee la ushindi kwa mabingwa hao kufuatia mlinda mlango wa Roma Bogdan Lobont kushindwa kuifuata krosi ya Antonio Candreva.

Nafasi kubwa ya Roma kusawazisha ilikuwa pale mpira wa adhabu ya moja kwa moja uliopigwa na mkongwe Francesco Totti kugonga mtamba wa panya.

Ushindi wa Victory Lazio, ambao walimaliza msimu katika nafasi ya saba katika ligi kuu ya Italia Serie A, unamaanisha kuwa watakuwa wamefuzu moja kwa moja kucheza Europa League hatua ya makundi.

Lazio imeshinda mara nne katika mara tano walizokutana na wapinzani wao wakubwa hao huku matokeo mengine yakiwa ni sare ya 1-1 mwezi April.

CRISTAL PALACE YAPANDA DARAJA

Mkongwe Kevin Phillips hii leo ameifungia goli muhimu kwa Crystal Palace iliyokuwa bora na iliyostahili kuichapa Watford katika mchezo wa fainali wa Championship play-off uliopigwa katika dimba la Wembley.

Mkongwe huyo mwenye umri wa miaka 39 alifunga goli hilo kwa mkwaju wa penati katika dakika za majeruhi za kipindi cha kwanza na kumaliza kiu ya kusubiri kwa miaka nane kupanda daraja na kucheza ligi kuu ya soka nchini England Premier League.

Ilkuwa ni penati nzuri iliyotokana na mlinzi Marco Cassetti wa Watford kumfanyia madhambi mshambuliaji mtarajiwa wa Manchester United Wilfried Zaha, ambaye amekuwa katika kikosi cha Palace tangu akiwa na umri wa miaka tisa na akicheza mchezo wa fainali kabla ya kuelekea kwa Manchester United wakati wa kipindi cha uhamisho cha majira ya kiangazi.

Ushindi huo unawafanya Crystal Palace kuungana sasa na kikosi cha meneja Ian Holloway cha Blackpool kucheza ligi hiyo.

Palace ilikuwa kidogo ishuke daraja katika msimu wa 2009-10 huku ikiwa katika uangalizi tangu iliposhuka daraja lakini kwasasa inatazama mbele kuweka historia nyingine

WAO KELELE SISI KIMYA KIMYA TUTAKUTANA SUDAN

kitasa kipya mitaa ya unyama unyamani aka msimbazi

SIMBA SC imeendelea na harakati za ujenzi wa kikosi kipya hatari cha msimu ujao, baada ya saa mbili zilizopita kukamilisha usajil iwa beki wa kati wa kimataifa wa Uganda, Samuel Ssenkoomi anayechezea timu ya Mamlaka ya Mapato Uganda (URA).
Habari za ndani ambazo MPIRA MAENDELEO imezipata kutoka ndani ya Simba, zimesema kwamba Ssenkoomi amesaini mkataba wa miaka miwili kuchezea Wekundu hao wa Msimbazi.
Huyo anakuwa Mganda wa tatu katika kikosi cha Simba SC baada ya kipa, Abbel Dhaira na kiungo Mussa Mudde na inawezekana hadi wiki ijayo, Wekundu hao wa Msimbazi wakatimiza idadi ya wachezaji wanne kutoka nchi hiyo, kwani hivi sasa wako mbioni kuinasa saini ya mshambuliaji hatari mno wa The Cranes.  
Aidha, beki huyo mwenye nguvu na akili za mpira, anakuwa mchezaji wa tano mpya kusajiliwa Simba SC kwa ajili ya msimu ujao, baada ya awali kusajiliwa wachezaji wanne wazawa, kipa Andrew Ntalla kutoka Kagera Sugar, beki Issa Rashid ‘Baba Ubaya’ kutoka Mtibwa Sugar, kiungo Twaha Shekuwe ‘Messi’ kutoka Coastal Union na mshambuliaji Zahor Pazi kutoka Azam FC aliyekuwa anacheza kwa mkopo JKT Ruvu.  
Simba SC imepania kuboresha kikosi chake ili kurejesha makali yake msimu ujao, baada ya  msimu huu kutoka mikono mitupu, ikivuliwa ubingwa na kukosa hata nafasi ya pili, ya kucheza Kombe la Shirikisho Afrika.  
Simba SC ambayo mzunguko wa kwanza ilikuwa chini ya Mserbia, Milovan Cirkovick na mzunguko wa pili chini ya Mfaransa Patrick Liewig, imemaliza Ligi Kuu katika nafasi ya tatu nyuma ya Azam na Yanga mabingwa.
Kocha Mfaransa Patrick Liewig amepewa mishahara yake ya miezi miwili, Sh. Milioni 12 aliyokuwa anadai na tiketi ya kurejea kwao moja kwa moja na Abdallah Athumani Seif, maarufu ‘Kingi Kibadeni’, bila shaka atasaini mkataba wakati wowote kurithi mikoba.
Liewig sasa atakuwa anadai mshahara wa mwezi mmoja, Mei ambao uko ukingoni yeye akiwa tayari Ufaransa.
Simba SC pia imewaongezea mikataba wachezaji wake chipukizi kadhaa iliyowapandisha kutoka kikosi cha pili akiwemo Haruna Chanongo, ambaye alikuwa anapigiwa hesabu na wapinzani wao wa jadi, Yanga SC.
Simba sasa inaelekeza nguvu zake katika usajili wa mshambuliaji sambamba na kusaini mikataba mipya na Nahodha wake Juma Kaseja pamoja na kiungo Amri Kiemba

ANGALIA KUFURU YA USAJILI WA SIMBA ILIVYOKUWA, WATATU KWA MPIGO WALIMWAGA WINO HIVI

Baba Ubaya akimwaga wino mbele ya Kaimu Makamu Mwenyekiti wa Simba, Joseph Itang'are aka Mzee Kinezi

kwa hisani ya salehjembe.blogspot.com

UONGOZI wa Simba umeonyesha umepania kufanya mabadiliko makubwa katika kikosi chake msimu ujao baada ya kusajili wachezaji watatu pamoja katika usiku mmoja.

Simba imewasajili kipa Andrew Ntalla kutoka Kagera Sugar ambaye atapambana na Juma Kaseja katika nafasi ya kipa namba moja atakuwepo Simba pamoja na Abel Dhaira raia wa Uganda.

 

Pazi akimwaga wino..

Imemsajili beki wa kushoto Issa Rashid maarufu kama Baba Ubaya katika nafasi ya beki wa kushoto ambayo zaidi alikuwa anategemewa Amir Maftah ambaye yuko kwenye mgogoro na uongozi wa Simba.

Mchezaji wa tatu ni Zahoro Pazi, mtoto wa kipa na kocha wa makipa wa zamani wa Simba, Iddi Pazi ambaye alikuwa anakipiga kwa mkopo JKT Ruvu akitokea Azam FC.

 

Ntalla akijifunga Simba...

Simba inaonekana imemchukua Pazi ili kuziba pengo la Mrisho Ngassa aliyekwenda Yanga, Ngassa alikuwa anacheza zaidi katika winga ya kushoto na mara kadhaa kulia nafasi ambazo mchezaji huyo mpya anazimudu.

Wachezaji wote watatu walianguka saini mbele Kaimu Makamu Mwenyekiti wa Simba, Joseph Itang’are maarufu kama Mzee Kinesi.

 

Messi kutoka Coastal na baba yake mzazi wakiwa na Mwenyekiti wa Kamati ya Usajili ya Simba, Zacharia Hans Pope.

Simba inaendelea kufanya usajili kimya kimya ikilenga kuimarisha kikosi chake kwa ajili ya msimu ujao ikiwa imelenga kurejesha heshima baada ya kuishia katika nafasi ya tatu katika msimu uliomalizika Yanga kutwaa ubingwa na Azam FC kushika namba mbili.

Baba Ubaya alikuwa ameingia mkataba wa miaka miwili sawa na Pazi wakati Ntalla aliyekuwa kipa namba moja wa Kagera Sugar iliyoshika nafasi ya nne ikiwa chini ya Abdallah Kibadeni aliyerejea Simba, yeye amesaini miaka mitatu na wekundu hao wa Msimbazi.

Tayari Simba ilifanikiwa kumsajili winga wa Coastal Union Ibrahim Twaha maarufu kama Messi ambaye mkataba wake ulisainiwa mbele ya baba yake mzazi na Mwenyekiti wa Kamati ya Usajili ya Simba, Zacharia Hans Pope.

Simba imekuwa ikifanya kila namna kuhakikisha usajili wake unakuwa bora ili kufanikiwa kutwaa tena ubingwa au kuishia katika nafasi ya pili msimu ujao ili ishiriki michuano ya kimataifa na kurejeshe heshima yake iliyopotea msimu huu.

Bado Simba inahaha kusajili beki wa kati pamoja na mshambuliaji wa kati, nafasi ambayo imewasumbua kwa kipindi kirefu kwa karibu msimu wote uliopita, hasa baada ya Kelvin Yondani kutua Yanga na Mzambia, Felix Sunzu kushindwa kuonyesha cheche.